வெள்ளிமேடை- வெள்ளி மேடை - vellimedai-velli medai- juma bayan- khuthuba --juma kuthuba -خطبة الجمعة கோவை அ,அப்துல் அஜீஸ் பாகவி

Thursday, January 18, 2018

அனைத்து மதத்தவர்களுக்கான மானியங்களையும் இரத்து செய்ய வேண்டும்.

وَلِلّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلاً وَمَن كَفَرَ فَإِنَّ الله غَنِيٌّ عَنِ الْعَالَمِينَ}(97) سورة آل عمران

கடந்த 18 ம் தேதி ஹஜ் குலுக்கள் நடை பெற்று பலருக்கும் ஹஜ்ஜுக்கான வாய்ப்பு உறுதிப்படுத்தப் பட்டுள்ளது.
இந்த ஆண்டு சுமார் 1,75,000 பேர் ஹஜ் செய்யவுள்ளனர்.
அல்லாஹ் அனைவரின் ஹஜ்ஜையும் அங்கீகரித்தருள்வானாக! ஹஜ் பயணிகள் அனைவரின் காரியங்களை இலேசாக்கி வைப்பானாக!
நம் அனைவருக்கும் ஹஜ்ஜின் பாக்கியத்தை திரும்பத் திருமப தந்தருள்வானாக!
மார்க்க கடமைகளில் மகத்தான ஒரு கடமை ஹஜ்
ஆண்களுக்கு ஜிஹாதுக்கு அடுத்த சிறந்த அமல்
فعن أبي هريرة رضي الله عنه قال: (سُئل رسول الله صلى الله عليه وسلم: أي الأعمال أفضل؟ قال: إيمان بالله ورسوله، قيل: ثم ماذا؟ قال: حج مبرور)(رواه البخاري ومسلم.  

பெண்களுக்கு ஹஜ்ஜே சிறந்த ஜிஹாது
عن عائشة رضي الله عنها قالت: (قلت: يا رسول الله: نرى الجهاد أفضل العمل أفلا نجاهد؟ قاللكن أفضل من الجهاد حج مبرور) رواه البخاري
சொர்க்கமே கூலி
عن أبي هريرة رضي الله عنه قال: قال رسول الله صلى الله عليه وسلم : (العمرة إلى العمرة كفارة لما بينهما، والحج المبرور ليس له جزاء إلا الجنة. رواه البخاري ومسلم.

மனிதனை குழந்தையாக்கும் பரிசுத்த வணக்கம்
عن أبي هريرة رضي الله عنه قال: سمعت رسول الله صلى الله عليه وسلم يقول: (مَن حجَّ فلم يرفث ولم يفسق رجع كيوم ولدته أمه. رواه البخاري ومسلم.

ஹாஜிகள் அல்லாஹ்வின் குழுவினர் . அவர்கள் வேண்டுவது கிடைக்கும்.
عن ابن عمر عن النبي -صلى الله عليه وسلم- قال:(الغازي في سبيل الله والحاج والمعتمر وفد الله، دعاهم فأجابوه، وسألوه فأعطاهم)
ஹஜ் எல்லோர் மீதும் கடமை இல்லை.
வாய்ப்பு வசதியுடையோர் மீது மட்டுமே ஹஜ் கடமையாகிறது.
وَلِلّهِ عَلَى النَّاسِ حِجُّ الْبَيْتِ مَنِ اسْتَطَاعَ إِلَيْهِ سَبِيلاً

பணக்காரர்கள் செல்வத்தை பாதுகாத்துக் கொள்ளும் வழிகளில் ஒன்று ஹஜ்
عن ابن مسعود رضي الله عنه قال: قال رسول الله صلى الله عليه وسلم: (تابعوا بين الحج والعمرة فإنهما ينفيان الفقر والذنوب كما ينفي الكير خبث الحديد والذهب والفضة، وليس للحجة المبرورة ثواب إلا الجنة). رواه الترمذي

ஹஜ் கடமை செல்வந்தர்களின் ஈமானுக்கு அடையாளம்.

قال رسول الله صلى الله عليه وسلم  :
من لم يحبسه مرض أو حاجة ظاهرة أو مشقة ظاهرة أو سلطان جائر فلم يحج فليمت إن شاء يهودياً، وإن شاء نصرانياً). رواه أحمد
ஜிஸிய்யா விதிக்க நினைத்த உமர் (ரலி)

عن عمر بن الخطاب أنه قال: (لقد هممت أن أبعث رجالاً إلى هذه الأمصار فينظروا كل من كان جدة (أي سعة من المال). ولم يحج ليضربوا عليهم الجزية، ما هم بمسلمين ما هم بمسلمين  - البيهقي 

அதன் காரணமாகவே சீக்கிரமாக ஹஜ்ஜை நிறைவேற்றிவிட பெருமானார் (ஸல்) அறிவுறுத்தினார்கள்.

قال رسول الله صلى الله عليه وسلم
تعجلوا إلى الحج  - يعني الفريضةفإن أحدكم لا يدري ما يعرض له- أخرجه أحمد في مسنده 

ஹஜ் வாழ்வில் ஒரு முறை கடமை .

أبي هريرة رضي الله عنه قال: خطبنا رسول الله صلى الله عليه وسلم فقال: (يا أيها الناس قد فرض الله عليكم الحج فحجوا، فقال رجل: أكلَّ عام يا رسول الله؟ فسكت، حتى قالها ثلاثاً، فقال النبي صلى الله عليه وسلملو قلت: نعم لوجبت ولما استطعتم

அந்த ஒரு முறை கடமையை ஏன் தாமதப் படுத்த வேண்டும்.
இப்போது ஹஜ்
1.   அதிக பாதுகாப்பானதாக ஆகி விட்டது.
2.   எளிதாகி விட்டது. உலகில் எந்தப் பகுதியில் இருந்தாலும் அதிகப்பட்சமாக ஒரு நாளில் மக்காவை அடைந்து விட முடியும். (முற்காலங்களில் மாதங்கள் பிடிக்கும். ) – வசதியான தங்குமிடங்கள். தவாப் சஃயுக்கு பேட்டரி வண்டிகள். கணக்கற்ற வீல் சேர்கள்.
3.   குறைந்த நாட்களில் நிறைவேற்றி விட முடியும். (இப்போதெல்லாம் 15 நாட்களுக்கான ஹஜ் பேக்கேஜுகளை பிசியான வியாபாரிகள் பயன்படுத்திக் கொள்கிறார்கள்.

எந்தக் காரணத்தை கூறியும் தவிர்க்க முடியாத அளவில் வசதி வாய்ப்புக்கள் பெருகிவிட்டன.  
எனவே வசதி வாய்ப்புப் பெற்றவர்கள் தமது கடமையான ஹஜ்ஜை விரைவாக நிறைவேற்றி விட வேண்டும்.  

ஹஜ்ஜுக்குப் பின்னால் பக்குவமாக இருக்க முடியாதோ என சில இளைஞர்கள் அஞ்சுகிறார்கள்.
ஹஜ்ஜை பெருமைக்கான அல்லது அந்தஸ்திற்காகான ஒரு வணக்கம் என நினைத்தால் தான் இத்தகைய சிந்தனை எல்லாம் வரும். ஹஜ் ஒரு கடமை தொழுகையைப் போல என நினைத்தால் இத்தகைய சிந்தனை வராது. மட்டும் அல்ல. அல்லாஹ் தவ்பீக் செய்யட்டும் என நினையுங்கள். ஹஜ்ஜுக்குப் பிறகு மிகச் சிறப்பான பக்குவத்தை பெற்றுவிட வாய்ப்புண்டு.

ஹஜ் ஒரு முறை தான் கடமை என்றாலும் நேர்ச்சை போன்ற சில சந்தர்ப்பங்களில் பல முறையும் கடமையாகும்.

ஷாபி மத்ஹபின் சட்டப்படி தந்தை தாயின் மீது ஹஜ் கடமையாக இருந்து அவர்கள் ஹஜ் செய்யாவிட்டால் அவர்கள் விட்டுச் சென்ற சொத்திலிருந்து அவர்களுடைய ஹஜ் கடமையை நிறைவேற்றுவது பிள்ளைகளின் மீது கடமையாகும்.


ஆசை மட்டும் போதாது, சக்தியும் வேண்டும்.  

ஹஜ்ஜில் கவனிக்க வேண்டிய மற்றொரு முக்கிய விசயம்
எல்லோருக்கும் ஹஜ் செய்ய ஆசை இருக்கிறது. அல்லாஹ் நம் அனைவருக்கும் வாழ்வில் பல முறை அந்த பாக்கியத்தை வழங்கட்டும்.  

ஆனால் இந்த சட்ட விதிகளை நாம் கவனத்தில் வைக்க வேண்டும்.  


ஹஜ் கடமையாவதற்கு ஐந்து நிபந்தனைகள் உண்டு
1.       இஸ்லாம்
2.       அறிவு
3.       வய்து
4.       சுதந்திரம்
5.       சக்தி

சக்தி பெறுதல் என்பதில் ஹலாலான பண வசதி, உடல் சவுகரியம் ,பாதுகாப்பான பயணம், பெண்களுக்கு மஹ்ரமான ஆண் துணை ஆகியவை அடங்கும்.

·         ஹராமான காசில் ஹஜ்ஜு செய்வது ஹராமாகும்
·         பெற்றோரின் அனுமதியின்றி – கடன் கொடுத்தவரின் அனுமதியின்றி ஹஜ்ஜு செய்வது மக்ரூஹ் ஆகும்

பிறரிடம் இருந்து உதவி பெற்று அல்லது கடன் பெற்று ஹஜ்ஜு செய்ய வேண்டும் என்ற அவசியம் கிடையாது.
வேலூர் பாக்கியாதுஸ்ஸாலிஹாத் அரபுக்கல்லூரின் முன்னாள் முதல்வரும் இந்தியா கண்ட மகத்தான சட்ட அறிஞருமானா அல்லாமா ஷேக் ஆதம் ஹஜ்ரத் (ரஹ்) அவர்கள் பெரிய அரபுக்கல்லூரியின் முதல்வராக இருந்த போதும் கூட ஹஜ் செய்திருக்க வில்லை, பல செல்வந்தர்கள் ஹஜ்ரத்தை அணுகி நாங்கள் ஏற்பாடு செய்கிறோம், ஹஜ்ஜுக்கு சென்று வாருங்கள் என்று கூறுவார்கள். அப்போதெல்லாம் ஹஜ்ரத் அவர்கள் என் மீது ஹஜ் கடமை இல்லை என்று கூறிவிடுவார்கள். ஹஜ்ரத்தின் 90 வது வயதில் அவரது வீட்டை விற்ற பணம் கைக்கு வந்த போது மகனுடன் ஹஜ்ஜு செய்தார்கள். அடுத்த வருடம் வபாத்தாகி விட்டார்கள்.
ஹஜ் செய்ய முடியாத நிலையில் இருக்கிற எவரும் தம்மை ஆசுவாசப் படுத்திக் கொள்ள இதை விடச் சிறந்த உதாரணம் தேவையில்லை.
இன்னொருவருடைய உதவியால் ஹஜ்ஜு செய்ய தேவை இல்லை என்கிற போது அரசு வழங்குகிற மானியத்தால் ஹஜ்ஜு செய்ய வேண்டுமா என்ற கேள்வி எழுகிறது?
அதனால் கடந்த செவ்வாய்க்கிழமை மத்திய அரசு ஹஜ் மானியத்தை இரத்து செய்வதாக திடீரென அறிவித்த போது ஏராளமான முஸ்லிம்கள் அதை வரவேற்று அறிவித்துள்ளனர்.  
அந்த வரவேற்பு எதார்த்தமானது ஏனெனில் ஹஜ்ஜுக்கு இன்னொருவருடைய உதவி தேவை இல்லை. அது மட்டுமல்ல அரசு வழங்குகிற உதவி ஏர் இந்தியா விமானம் ஜித்தாவுக்கான கட்டணத்தை அதிகப்படுத்தி விடுவதால் அதை ஈடுகட்டவே அந்தப் பணம் பயன்பட்டது. எனவெ இந்த மானியக் குறைப்பால் நமக்கு ஒரு நட்டமும் இல்லை. என்பதுதான் இந்த இரத்து அறிவிக்கையை அங்கீகரித்தவர்களின் வாதமாகும்.
ஆனால் மத்திய அரசின் இந்த நடவடிக்கை எதார்த்தமானது அல்ல என்பதை நாம் கவனிக்கத் தவறக் கூடாது.
இது இந்துத்துவ சக்திகளின் தொடர் கோரிக்கைகளில் ஒன்றாக இருந்து வந்த நிலையில் இந்த திடீர் நடவடிக்கை மத்திய அரசின் நீதியயற்ற இந்துத்துவப் போக்கின் ஒரு அம்சமாக நாம் பார்க்க வேண்டியிருக்கிறது. தமிழ் மாநில ஜமாஅத்துல் உலமா சபை கூறியிருப்பது போல இது அரசாங்கத்தின் ஒரு பாரபட்டசமான நடவடிக்கை ஆகும்.
கடந்த சில மாதங்களில் முஸ்லிம் சமூகத்தின் மீது மத்திய அரசு தொடுத்து வருகிற பகிரங்க தாக்குதல்களில் இதுவும் ஒன்றாகும்.
ஹஜ் மானியம் குறித்த வரலாற்றை நாம் அறிந்து கொள்ளும் போது தான் இந்த உண்மை புரியவரும்.

1932ஆம் ஆண்டிலிருந்து நம்முடைய நாட்டில் ஹஜ் பயணத்திற்கு மானியம் வழங்கப்பட்டு வந்தது. பிற மதத்தவர்களுக்கு வழங்கப்பட்டு வந்ததன் தொடர்ச்சியாகவே இம்மானியம் வழங்கப்பட்டது. ஹஜ்ஜுக்கான ஏற்பாடுகளை செய்வதில் இம்மானியம் பயன்பட்டது.  

நாடு சுதந்திரம் பெற்ற பிறகு 1959ல் இதற்கான சட்டம் திருத்தப்பட்டு, மத ரீதியான கடமைகளுக்காக சௌதி அரேபியா, சிரியா, ஜோர்டன், இரான், இராக் ஆகிய நாடுகளுக்குச் செல்லும் பயணிகளுக்கு மானியம் அளிக்கும் சட்டம்  கொண்டுவரப்பட்டது.

1973ஆம் ஆண்டில் இந்தியாவிலிருந்து ஹஜ் பயணிகள் பயணம் செய்த கப்பல் ஒன்று விபத்துக்குள்ளானதில் 39 பேர் இறந்துவிடவே, கப்பல் பயணத்தை ரத்துசெய்த இந்திய அரசு, விமானம் மூலம் மட்டுமே பயணம் செய்ய அனுமதித்தது. அதற்கேற்ற வகையில் மானியத் தொகை அதிகரிக்கப்பட்டது.

இந்துத்துவ சக்திகள் குறிப்பாக பாஜக கட்சி இந்த மானியத்தை இரத்து செய்ய வேண்டும் என தொடர்ந்து கோரிக்கை வைத்து வந்தன. ஒரு மதத்தவருக்கு மட்டும் இத்தகைய சலுகை வழங்குவது அரசியல் சாசணத்திற்கு எதிரானது என்று வாயாடி நீதிமன்றங்களில் வழக்குத் தொடர்ந்தன.

2011 ல் மாண்புமிகு நீதிபதிகள் ஜஸ்டிஸ் மார்க்கண்டே கட்ஜு, ஜியான் சுதா மிஸ்ரா ஆகியோர் அடங்கிய உச்சநீதிமன்ற ஹஜ்ஜுக்கு மானியம் வழங்கப்படுவது சட்ட பூர்வமானதுத்தான் என வரலாற்றுச் சிறப்புமிக்க தீர்ப்பை வழங்கியது
இதே வழக்கு மேல் முறையீட்டுக்கு சென்ற போது 2012 ம் ஆண்டு மாண்புமிகு நீதிபதிகள் ஆப்தாப் ஆலம் ரஞ்சனா பிரகாஸ் ஆகியோர் அடங்கிய இரண்டு நீதிபதிகள் கொண்ட பெஞ்ச் முந்தைய நீதிபதிகளின் தீர்ப்பை கவனத்தில் கொள்வதாக கூறி விட்டு நாட்டில் மற்ற பல மத நிகழ்வுகளுக்கு அரசாங்கத்தின் பணம் செலவழிக்கப்படுவதை கவனிக்கும் போது ஹஜ் மானியம் அரசியல் சாசனப் பூர்வமானதுதான் என்று கூறியது.
எனினும் இந்த தீர்ப்பை வழங்கிய நீதிபதிகளில் ஒருவரான ஆப்தாப் ஆலம் தனது அதிகார வரமபை மீறி ஒரு தீர்ப்பை கூறீனார்
ஹஜ் மானியம் சட்டபூர்வமானது என்றாலும் முஸ்லிம்கள் மானியம் பெற்று ஹஜ்ஜுக்கு செல்ல வேண்டும் என்று குர் ஆன் கூறவில்லை. எனவே அரசு வழங்கும் மானியத் தொகையை அடுத்த பத்து ஆண்டுகளுக்குள் அதாவது 2022க் குள் படிப்படியாக மானியத்தை நிறுத்திவிடுமாறு கூறினார்.
மானம் மிக்க இந்த நீதிபதி மற்ற மத விவகாரங்களுக்கு அரசு செலவிடும் கணக்கற்ற மானியத் தொகை சம்பந்தமாக எதையும் கூற வில்லை.
இந்த உத்தரவின் காரணமாக 2012ஆம் ஆண்டில் சுமார் 836 கோடி ரூபாய் அளவுக்கு இருந்த படிப்படியாக சுமார் 400 கோடியாக குறைக்கப்பட்டது.
கடந்த 2017ஆம் ஆண்டில் மானியம் பெற்று 1.25 லட்சம் பேர் ஹஜ் யாத்திரையை மேற்கொண்ட போது அது சுமார் 200 கோடி அளவுக்கு குறைந்தது.  

உச்ச நீதிமன்றம்  10 வருடத்தில் சன்னம் சன்னமாக குறைக்கச் சொன்ன மானியத்தை தான் 6 வருடங்களுக்குள்ளாக மத்திய அரசு அதிரடியாக அறிவித்துள்ளது.

உச்ச நீதிமன்றத்தின் இந்த தீர்ப்பை மத்திய அரசு நிறைவேற்றியே தீர வேண்டும் என்ற எந்தக் கட்டாயமும் கிடையாது.

மானியம் வழங்குவது என்பது அரசின் கொள்கை முடிவு அது நீதிமன்றத்தின் வரம்புகளுக்கு உட்பட்டதல்ல. அரசின் ஒரு கொள்கை சட்டபூர்வமானதாக வரையறைகளை தாண்டாததாக இருக்கிற போது அதில் தலையிட வேண்டிய தேவை எதுவும் நீதிமன்றத்திற்கு கிடையாது. அதையும் மீறி நீதிபதி ஆப்தாப் தலையிட்டார். மத்திய அரசு உச்ச நீதிமன்றத்தின் பல தீர்ப்புக்களை இது அரசின் கொள்கை முடிவு என்று கூறி நிராகரித்துள்ளது.

ஆனால் ஹஜ் மானியம் விசயத்தில் அரசு எல் கே ஜி மாணவன் ஆசிரியர் உத்தரவுக்கு உடன்பட்டது போல கட்டுப்பட்டதாக காட்டிக் கொள்கிறது. இது அப்பட்டமான வஞ்சனையாகும்.

மத்திய அரசு அடிப்படை மனிதாபிமான உணர்வுகளுக்கு எதிராக மிருக பலத்தில் மிருகமாக செயல்படுகிறது என்பதற்கான ஒரு அடையாளாமாகும் இது.

மானியம் இரத்து அறிவிப்பை வெளியிட்ட மத்திய சிறுபான்மைத் துறை அமைச்சரின் அறிக்கை இந்திய சிறுபான்மையின முஸ்லிம்களை மனக் கொதிப்புள்ளாக்கும் ஒரு அறிக்கையாகும்

முக்தார் அப்பாஸ் போன்ற கேவலாமான மனிதர்களால் தான் இப்படி பேச முடியும்.

முஸ்லிம்களின் தன்மானத்தை பாதுகாக்கவே இந்த மானியம் இரத்து செய்யப் பட்டதாக கூறுகிறார். அதுதான் அரசின் கொள்கை என்கிறார்.

Naqvi was also add that this withdrawal of the subsidy “is part of our policy to empower minorities with dignity and without appeasement”.

இதை விட அப்பட்டமான அயோக்கியத்தனம் வேற்ன்ன இருக்க முடியும்.

மானியம் வழங்குவது மரியாதையை குறைக்கிறது என்றால் மற்ற மதங்களுக்கும், மற்ற விவகாரங்களுக்கு மானியம் வழங்கப்படுவது மரியாதையை குறைக்கும் செயலா ? இவரைப் போன்ற அமைச்சர்களுக்கு அற்பத்தனமாகன காரியங்களுக்கு வழங்கப்படுகிற கோடிக்கணக்கான ரூபாய்களை கூச்சமின்றி பெற்றுக் கொள்கிற இவர்கள் கண்ணியம் அற்றவர்கள் என்று அரசு ஒப்புக் கொள்ளுமா ?  (எம் எல் ஏ க்களின் தொலை பேசி செலவு 7500 என மாநில அரசு வழங்குகிறது. ஜியோ 400 ரூபாயில் அன்லிமிடட் செலுகை வழங்கிருக்கிற நிலையில்)

முஸ்லிம்களின் ஹஜ்ஜுக்கு அரசு வழங்கி வந்த மானியம் மிக ச்சிறிய தொகை
நாட்டில் நடை பெருகிற மற்ற மதப்பண்டிகளுக்கு மலைக்கச் செய்யும் அளவுக்கு மானியம் வழங்கப்படுகிறது.

கும்பமேளாக்களுக்கு பல ஆயிரம் கோடி

மத்திய அரசு ஹரித்துவார் அலகாபாத் நாஸிக் உஜ்ஜையின் ஆகிய நான்கு இடங்களில் நடைபெறும் கும்பமேளாவிற்கு பல ஆயிரம் கோடிகளை செலவழிக்கிறது. துல்லியமாக கணக்கு கிடையாது. 2014 ல் அலகாபாத்தில் நடை பெற்ற கும்பமேளாவிற்கு ஆயிரத்து நூற்று ஐம்பது கோடி ரூபாய் செலவழித்துள்ளது. மஹாரஷ்டிரா அரசு நாஸிக்கில் நடை பெறும் கும்ப மேளாவிற்கு மாநில நிதியாக 2500 கோடியை ஒதுக்கியது.
12 ஆண்டுகளுக்கு ஒரு முறை உஜ்ஜையினில் நடைபெறுகிற சிம்ஹஸ்த் மஹா கும்பமேளாவுக்கு மத்திய கலாச்சார அமைச்சரகம் மத்திய பிரதேச மாநில அரசுக்கு 100 கோடி கொடுக்கிறது. சிவரராஜ் சிங்க் சவுகான் தலைமையிலான மாநில பிஜேபி அரசு இதற்காக 2016 ல் 3400 கோடி செலவழித்திருக்கிறது. ஆனால் அது ஐயாயிரம் கோடி வரை இருக்கலாம் என்று கருதப்படுகிறது.
அமர்நாத் ஹரித்வார் மானசரோவர் யாத்திரைகள்

இமயமலை வழியாக திபேத்திற்கு செல்லும் கைலாஷ் மானசரோவர் யாத்திரைக்காக மிக கனிசமான தொகையை மத்திய அரசு செலவிடுகிறது

உத்தர பிரதேச முதல்வராக அகிலேஷ் யாதவ இருந்த போது கைலாஷ் மானசரேவர் யாத்திரை செல்பவர்களுக்கு ஐம்பதாயிரம் ரூபாய் அளிக்கப் பட்டு வந்தது. ஆதித்யநாத் அரசு அதை ஒரு இலட்சமாக உயர்த்தி யுள்ளது.
லடாக்கில் இருக்கிற சந்து தர்ஷன் செல்பவர்களுக்காக ஆளுக்கு 10 ஆயிரம் ரூபாய் வழங்குகிறது. சத்தீஸ்கர் டெல்லி குஜராத் கர்நாடகா மத்திய பிரதேசம் உத்ராகண்ட ஆகிய மாநிலங்களும் இதே போல் கைலாஷ் மானசரேவர் யாத்திரைக்கு கனிசமாக உதவுகின்றனர்.
ஆந்திரா அரசு கோதாவரி புஷ்கரம் நிகழ்ச்சிக்கு பல கோடிகளை செலவழிக்கிறது.
மத்தியப் பிரதேச முதலமைச்சர் திருத்தல் யாத்திரைத் திட்டத்தில் பல இடங்களுக்கு செல்பவர்களுக்கு ஏராளமாக மானியத் தொகை வழங்குகிறது.
ஜம்மு காஷ்மீர் அரசு அமர்நாத் சிரீன் போர்டுடன் இணைந்து அமர்நாத் யாத்திரைக்கு பல நூறு கோடிகளை செலவிடுகிறது.
உத்ரகாண்ட் அரசு கன்வர் யாத்திரைக்காக கனிசமாக செலவிடுகிறது,  
ஹரியானா அரசு குருசேத்திரத்தில் நடை பெறூகிற கீதா பண்டிகைக்காக 100 கோடியை வழங்குகிறது.
பூஜைகளுக்குப் பிறகு குளங்களை சுத்தப்படுத்த ஏராளமான தொகை
நவராத்திரி, விநாயக சதுர்த்தி சத்து பூஜா ஆகிய பண்டிகைகாலங்களில் குளங்கள் நீர்நிலைகளை சுத்தப்படுத்துவதற்காக அரசு கனிசமான தொகைகளை செலவிடுகிறது.
இவை பெரும்பான்மை சமுதயமான இந்துக்களின் மரியாதையை பாதிப்பதில்லையா ?  அவர்களுடைய கவுரவத்திற்கு இழுக்கு அல்லவா ?
மத்திய அரசு ஹஜ் மானியத்தை நிறுத்திக் கொள்ளும் பட்சத்தில் இவற்றையும் நிறுத்த வேண்டும் .
மக்களின் வரிப்பணம் ஒரு குறிப்பிட்ட மதத்தவரின் மதச்சடங்குகளுக்காக செலவிடக் கூடாது என அரசியல் சாசனத்தின் 27 வது பிரிவு கூறுகிறது என்று வாதிட்ட பாஜக கட்சி கோடிகளை கபளீகரம் செய்கிற இந்தச் சடங்குகள் விவகாரத்தில் கவனம் செலுத்துமா ?
இந்துச் சமூகத்தில் தாழ்த்தப் பட்ட மக்களின் மேம்பாடு விதவைகளின் வாழ்வுரிமை சீரழிக்கப்படுகிறா மலை வாழ் மக்களின் வாழ்க்கை மேம்பாடு ஆகிய இன்னும் ஏராளமான காரியங்களுக்கு இவற்றை பயன்படுத்தலாமே!
எனவே அரசாங்கத்தின் இந்த அறிவிப்பு உண்மையில் முஸ்லிம்களின் உரிமையில் தொடர்ந்து கைக்கிற இந்துத்துவ திட்டங்களில் ஒன்றாகவே கருதப் பட வேண்டும்.
மாநில ஜமாஅத்துல் உலமா அரசின் இந்த அறிவிப்பை வன்மையாக கண்டித்திருக்கீறது. அரசு தொடர்ந்து முஸ்லிம்களை பதற்றத்திற்குள்ளாக்க முயற்சிப்பதை ஜமாத்துல் உலமாவுடன் சேர்ந்து நாமும் கண்டிக்கிறோம்.
அத்தோடு மாற்றுத்திறனாளிகளுக்கு இனி அனுமதி கிடயாது என்ற அரசின் சட்டத்தை வாபெஸ் பெறுவதோடு மாற்றுத்திறனாளிகளோடு உதவியாளர் ஒருவருக்கு அனுமதி வழங்க வேண்டும் என்றும் ஜமாத்துல் உலமா அரசை கேட்டுக் கொண்டுள்ளது. நம்முடைய குரலையும் அத்தோடு இணைத்துக் கொள்கிறோம்.
முஸ்லிம்களை குறிவைக்கும் தீய எண்ணத்தை மாற்றிக் கொள்ளுமாறு மத்திய அரசுக்கு கோரிக்கை வைக்கிறோம்.
மத்திய அரசு தனது உத்தரவை திரும்பப் பெற வேண்டும் என்று கோரிக்கை வைத்தற்காக மாநில அரசுக்கும். அரசின் திட்டத்தை கண்டித்த காங்கிரஸ் உள்ளிட்ட அரசியல் கட்சிகளுக்கும் ஜனநாயக சக்திகளுக்கும் நாம் மனப்பூர்வமான நன்றியை தெரிவித்துக் கொள்கிறோம்.
பாஜக அரசின் நடவடிக்கைகளை வெறும் முஸ்லிம்களுக்கு எதிரானது என்று மட்டும் பார்க்காமல் தேசத்திற்கு எதிரானது என்று பார்க்குமாறு ஜனநாயகத்தில் அக்கறை கொண்ட அனைத்து அரசியல் சக்திகளையும் கேட்டுக் கொள்கிறோம்.
அல்லாஹ் நல்லது நடக்க கிருபை செய்வானாக!   
 (இங்கு குறிப்பிட்டுள்ள பல தகவல்களும் https://thewire.in ஆங்கில இணய இதழின் தகவல் தளத்திலிருந்து எடுக்கப் பட்டவைகளாகும்.)








Thursday, January 11, 2018

ஒப்பந்தங்கள் எப்போது தீர்வுக்கான வழியாகும் ?

يَا أَيُّهَا الَّذِينَ آمَنُوا أَوْفُوا بِالْعُقُودِ

போக்குவரத்து தொழிலாளர்களுடன் செய்து கொண்ட ஒப்பந்தங்களை அரசு சரிவர மதிக்கவில்லை. அல்லது புதிய ஒப்பந்தங்களை சரியாக செய்து கொள்ள வில்லை என்பது தமிழக மக்களின் அன்றாட வாழ்வை பாதிக்கிற பெரும் பிரச்சனையாக உருவெடுத்து ஒரு வார காலம் பெரும் சிரமத்தை ஏற்படுத்தி விட்டது.

நேற்றிரவு மேற்கொண்ட ஒரு ஒப்பந்தத்தின் மூலம் போராட்டம் முடிவுக்கு கொண்டு வரப் பட்டிருக்கிறது.

ஒரு ஒப்பந்தம் பெரும் பிரச்சனையை முடிவுக்கு கொண்டு வந்திருக்கிறது. ஆனால் இந்த ஒப்பந்தம் இனி ஒரு போராட்டத்திற்கு வழி வகுக்காது என்று கூற முடியாது.

ஏனெனில் இரண்டு தரப்பும் ஒப்பந்தம் விசயத்தில் நீதியாக இருப்பதில்லை.

ஒப்பந்தங்கள் மீறப்படும் போது பெரும் குழப்பங்கள் நிகழும் என திருக்குர் ஆன் எச்சரிக்கிறது.  

அல்மாயிதா அத்தியாயம் வாழ்வியல் சட்டங்கள் நிறைந்த அத்தியாயம்.

அது உடன்படிக்கைகளை பரிபூரணமாக நிறைவேற்றுங்கள் என்று தொடங்குகிறது.

வெறுமனே நிறைவேற்றுவது அல்ல. பரிபூரணமாக நிறைவேற்றுதல்

الْوَفَاءُ  وَالْإِيفَاءُ : هُوَ الْإِتْيَانُ بِالشَّيْءِ وَافِيًا تَامًّا لَا نَقْصَ فِيهِ وَأَوْفُوا الْكَيْلَ إِذَا كِلْتُمْ (17 : 35)

ஒருவரோடு ஒரு காரியத்தை நிறைவேற்றித் தருவதாக  -ஒப்பந்தம் செய்திருந்தால் அதை பரிபூரணமாக நிறைவேற்றுவதற்கு மூஃமின்கள் முயற்சி செய்ய வேண்டும்.
இந்த உத்தரவை தொடங்குவதற்கு முன் முஃமின்களே என்று அல்லாஹ் மக்களை அழைத்க்கிறான். அதன்பிறகு சொல்லப் படுகிற சட்டங்களுக்கு கட்டுப்படுவது ஈமானிய இயல்பாக கருதப் படும், .
எனவே ஒப்பந்தங்களை பரிபூரணமாக நிறைவேற்றுவது ஈனாமிய இயல்பாகும்.
ஒரு வேலைக்கு ஒரு தொழிலாளி நியமிக்கப் படுகிற போது இருவரும் பரஸ்பரம் அடுத்தவர்களுக்கு செய்ய வேண்டிய கடமைகளைப் பற்றி ஒப்பந்தம் செய்து கொள்கிறார்கள் என்றே பொருள்
எனவே ஒரு முஸ்லிம் தொழிலாளி தனது ஒப்பந்தத்தை முழுமையாக நிறைவேற்ற நினைக்க வேண்டும். அதே போல முதலாளியும் தொழிலாளிக்கான உரிமையை முழுமையாக செய்து தர நினைக்க வேண்டும்.
யாரும் மற்றவருடைய இயலாமையை காரணாமாக்கி ஒப்பந்தம் செய்யப் பட்ட காரியங்களில் குறைவை ஏற்படுத்தக் கூடாது.
முதலாளிக்கு தெரியாது – அல்லது அவரால் என்ன செய்ய முடியும் என்ற எண்ணத்தில் தொழிலாளியும் அதே போல முதலாளியும் நினைத்து ஒப்பந்த நிபந்தனைகளை மீறக் கூடாது.

ஒப்பந்தங்களில் மிகச் சிற்ப்பான வெற்றி இருக்கிறது

வாழ்க்கையில் பிரச்சனைகளை பெரிது கொண்டிருப்பதை விட ஒப்பந்தங்களில் வழி தீர்வுகளை தேட வேண்டும்

பெருமானார் (ஸல்) அவர்களுக்கு ஹுதைபிய்யா ஒப்பந்தம் மிகப் பெரும் வெற்றிக்கு காரணமானது
.
மக்காவின் காபிர்களோடு முஹம்மது நபிக்கு நல்லுறவு ஏற்ப்பட்டு விட்டது என்ற செய்தி இதன் மூலம் அரபு தேசத்திலும் மற்ற நாடுகளிலும் பரவியது. ‘
அது வரை மக்காவின் காபிர்களை பயந்து இஸ்லாமை ஏற்றுக் கொள்ள தயங்கிக் கொண்டிருந்த பலர் இஸ்லாமை தழுவினர்.

அபூமூஸல் அஷ் அரீ ரலி அவர்கள் இஸ்லாமைத் தழுவிய வரலாற்றைப் படித்துப்பாருங்கள் இந்த உண்மை தெளிவாக புரியும்.

இஸ்லாமிய பிரச்சாரம் தொடங்கியதிலிருந்து அதுவரை எவ்வளவு பேர் இஸ்லாமைத் தழுவியிருந்தார்களோ அதை விட இரண்டு மடங்கு மக்கள் அடுத்த இரண்டு ஆண்டுகளில் இஸ்லாமைத் தழுவினார்கள்.

இதையே பெரும் வெற்றி என பெருமானாருக்கு அல்லாஹ் கூறினான்.

சூரத்துல் பதஹ் அத்தியாயம் முழுவதும் ஹுதைபிய்யாவிலிருந்து திரும்புகிற வழியில் இறங்கியது.

ஒப்பந்தங்கள் செய்து கொள்ளும். போன்ற சந்தர்ப்பங்களில்
·         சில விவகாரங்களை விட்டுக் கொடுக்க முன் வர வேண்டும். (ஹுதைபிய்யாவில் உம்ரா செய்யும் உரிமையை பெருமானார் (ஸல்) அவர்கள் விட்டுக் கொடுத்தது போல.
·         சில விவகாரங்களை சகித்துக் கொள்ள வேண்டும். ஹுதைபிய்யாவில் மக்கா வாசிகளின் கோரிக்கையை ஏற்றது போல )

குடும்பம். தொழில், பொது விவகாரம் அனைத்திற்கும் இது பொருந்தும்

நிறைவேற்றும் சிந்தனை

எந்த ஒப்பந்தமாகட்டும். அதை நிறைவேற்ற நினைக்க வேண்டும். நிறைவேற்ற முயற்சிக்க  வேண்டும். அப்போதுதான் அல்லாஹ்வின் அருள் கிடைக்கும்.  வெற்றி நிச்சயமாகும்.

 إِنَّ اللَّهَ مَعَ الَّذِينَ اتَّقَوْا وَالَّذِينَ هُمْ مُحْسِنُونَ {النحل:128}.
ஒப்பந்தத்தங்களை நிறைவேற்ற வேண்டும் ஏன் ?
·         ஒப்பந்தத்தை நிறைவேற்றுவது என்பது ஒரு முஸ்லிம் அவரது தோளில் சுமந்து கொண்டிருக்கிற சுமமையாகும். அது இறைவன் மனிதர்களுக்கு கற்பித்த நல்லொழுக்கமாகும்.
وأوفوا بالعهد إن العهد كان مسئولا) (الإسراء: 34).
·         ஒரு மனிதர் உண்மையானவர் என்பத முதல் அடையாளமுமாகும்
·         மக்களுக்கிடையே அழுத்தமான நம்பிக்கையை ஏற்படும் . சமூக உறவுகள் வலுப்படும்.

·         பேருந்துகளில் பஸ் டிக்கட் புக் செய்கிறோம். பேருந்துகள் சரியாக இயங்காது என்றால் நிலமை என்னவாகும் யோசித்துப் பாருங்கள். வங்கிகள் பணம் தராது என்றால் நிலைமை என்னவாகும் ? நாம் சொன்ன மாதிரி டைலர் தைத்து தர மாட்டேன் என்றால் ? வண்டி சர்வீஸ் சைது தருகிறவன் பிரேக் ஒயரை கவனிக்க மாட்டான் என்றால் ?
எனவே ஒரு சமூக கட்டமைப்பே உடன்படிக்கைகளை நடைமுறைப் படுத்துவதில் தான் அடங்கியிருக்கிறது.

·         அது சாலிஹானவர்களின் நடை முறையுமாகும்.
 والموفون بعهدهم إذا عاهدوا " [ البقرة
واذكر في الكتاب إسماعيل إنه كان صادق الوعد وكان رسولا نبيا " [ مريم
·         அது பெருமானாரின் இயல்பாகும்
ஹஸ்ஸான் பின் சாபித் (ரலி) அவர்கள் பெருமானாரை அடையாளப் படுத்தும் வார்த்தை ஒப்பந்தததை நிறைவேற்றுபவர்
رسولَ الله شِيمتُه الوفاءُ 
அது பெருமானாரின் அடிப்படை போதனைகளில் ஒன்றுமாகும்.
قال ابن عباس - رضي الله عنهما -: أخبرَني أبو سفيان أن هِرقلَ قال له: سألتُك ماذا يأمركم؟ قال أبو سفيان  أنه يأمر بالصلاة والصِّدق، والعفاف والوفاء بالعهد، قال هرقل: وهذه صفة النبي ...

சிரமான நேரத்திலும் ஒப்பந்தங்களை நிறைவேற்ற பெருமானார் முக்கியத்துவம் அளித்தார்கள். அதில் சமரம் செய்து கொள்ள முயலவில்லை
பத்று.யுத்தத்தின் காலகட்டத்தில் ஹுதைபா ரலி அவர்கள் இஸ்லாமை தழுவ மதீனா வை நோக்கி வந்து கொண்டிருந்தார்கள்.  அவரையும் அவரது சிறிய தந்தையையும் மடக்கிப் பிடித்த காபிர்கள் முஹம்மதுக்கு உதவுமாட்டோம் என அவர்களிடம் சத்தியம் வாங்கிக் கொண்டனர்.
நபித்தோழர்கள் மிக குறைந்த எண்ணிக்கையில் இருந்த நிலையில் – பெருமானார் (ஸல்) அவர்கள் ஒப்பந்தத்தை மீற அனுமதிக்க வில்லை.
அந்த ஒப்பந்தம் அநீதியாக செய்யப் பட்டிருந்த நிலையிலும் கூட,.
حذيفةُ بن اليَمان - رضي الله عنه - قال: ما منَعني أن أشهد بدرًا، إلا أني خرجت أنا وأبي حُسيلٌ، قال: فأخَذَنا كفار قريش، قالوا: إنكم تريدون محمدًا، فقلنا: ما نريده، ما نريد إلا المدينة، فأخَذوا منا عهدَ الله وميثاقه، لنَنصَرِفَنَّ إلى المدينة ولا نُقاتل معه، فأتينا رسول الله - صلى الله عليه وسلم - فأخبرْناه الخبر، فقال: ((انصَرفا، نَفي لهم بعهْدهم، ونستعين الله عليهم))

ஒப்பந்தத்தை பராமரிப்பதில் காட்ட வேண்டிய அக்கறை எந்த அளவுக்கு இருக்க வேண்டும் ?
பெருமானார் கூறினார்கள். ஒரு முடிச்சை அவிழ்க்கவும் வேண்டம் இறுக்கி கட்டவும் வேண்டாம்
وقال النبي صلى الله عليه وسلم: "من كان بينه وبين قوم عهد؛ فلا يحلن عقدة ولا يشدها حتى يمضي أمده، أو ينبذ اليهم على سواء" (رواه أبو داود والترمذي).
.
ஒப்பந்தம் பேசத் தொடங்கியதிலிருந்தே ஒப்பந்தத்திற்கு கட்டுப்பட்டார்கள் நபிகள் நாயகம் (ஸல்)
ஹுதைபிய்யா ஒபந்த காலத்தில் பெருமானாரோடு பேச்சுக்கு வந்த சுஹைல் பின் அம்ரு ரலி (அப்போது அவர் காபிர்களின் அணியில் இருந்தார்) முஸ்லிமாகி விட்ட தனது மகன் அபூஜன் தலை சங்கிலியால் கட்டி வீட்டின் உள் அறையில் வைத்து சித்ரவதை செய்து கொண்டிருந்தார். எப்படியோ அங்கிருந்து தப்பி அபூஜன் தல் ஹுதைபிய்யா ஒப்பந்தம் கையெழுத்தாகிற சந்தர்ப்பத்தில் பெருமானாருக்கு முன்னாள் வந்து விழுந்தார். என்னைக் காப்பாற்றுங்கள் என்றார். சுஹைல் மகனை திருப்பித் தரக் கோரினார் . இது உடன்படிக்கையை மீறீய முதல் நிகழ்வு என சாதுர்யமாக வாதிட்டார். ஆனால் நபி (ஸல்) அவர்கள் அவரது மகனை அவரிடமே ஒப்படைத்தார்கள்
وفي ذلك الصلح الذي ابرمه النبي صلى الله عليه وسلم مع مندوب قريش سهيل بن عمرو، وكان من بنود هذا الصلح ان اي رجل يأتي الى النبي صلى الله عليه وسلم من قريش خلال مدة هذا الصلح يرده اليهم وإن كان مسلماً، وبينما هم بصدد كتابة بقية بنود هذا الصلح اذ جاء ابو جندل بن سهيل بن عمرو يرسف في قيوده، قد خرج من اسفل مكة حتى رمى بنفسه بين ظهور المسلمين. فقال سهيل: هذا يا محمد أول ما اقاضيك عليه ان ترده الي. فقال النبي صلى الله عليه وسلم: "إنا لم نقض الكتاب بعد" فقال: اذا لا اصالحك على شيء ابدا. فقال النبي صلى الله عليه وسلم: "فأجزه لي" قال: ما انا بمجيزه لك. قال النبي صلى الله عليه وسلم: "بلى فافعل" قال: ما انا بفاعل. فجعل ابو جندل يصرخ بأعلى صوته: يا معشر المسلمين! أأرد الى المشركين يفتنوني في ديني وقد جئت مسلماً؟ فقال له رسول الله صلى الله عليه وسلم: "يا أبا جندل! اصبر واحتسب، فإن الله جاعل لك ولمن معك من المستضعفين فرجاً ومخرجاً، إنا قد عقدنا بيننا وبين القو م صلحاً، وأعطيناهم على ذلك، وأعطونا عهد الله، فلا نغدر بهم" (رواه البخاري)، 

ஹுதை பிய்யா உடன்படிக்கையின் போது அந்த வரும் உமரா செய்யாமல் திரும்பி விட வேண்டும் என்று கூறிய மக்காவின் காபிர்கள் அதற்கடுத்த வருடம் உம்ரா செய்ய வருமாறு கூறினார். அப்படி முஸ்லிம்கள் உம்ரா செய்ய வரும் போது மூன்று நாட்கள் ஹரம் பிராந்தியத்தை தாங்கள் காலி செய்து தருவதாக கூறினர். அதே போல ஹிஜ்ரீ 7 ம் ஆண்டு உம்ரா செய்ய பெருமானார் (ஸல்) அவர்கள் வந்தார்கள். மூன்று நாள் கழிந்ததது, காலி செய்ய கோரினர் . பெருமானார் (ஸல்) அவர்கள் மறுவார்த்தை பேசாமல் மக்காவை காலி செய்து கொடுத்தார்கள்.

فلما دخل ومضت الأيام أتوا عليا فقالوا: مر صاحبك فليرحل، فذكر ذلك علي لرسول الله صلى الله عليه وسلم فقال: "نعم" فارتحل (متفق عليه).
முஸ்லிமல்லாதவர்களுக்கு செய்து கொடுத்த உடன்படிக்கையையும் நிறைவேற்ற் வேண்டும்.
وقال صلى الله عليه وسلم محذراً من الغدر وعدم الوفاء بالوعد: "من أمن رجلاً على نفسه فقتله، فأنا بريء من القاتل، وإن كان المقتول كافراً" (رواه النسائي وصححه الألباني)


சமூகம் தொடர்பான காரியங்களில் மட்டுமல்ல குடும்ப விவகாரங்களிலும் ஒப்பந்தங்களை பராமரிக்க வேண்டும்

திருமணம் ஒரு ஒப்பந்தம் .
நல்ல முறையில் சேர்ந்து வாழ்தல் . அல்லது கருணையோடு பிரிந்து விடுதல் என்ற  நியதியின் பேரிலான ஒப்பந்தம் .

பரஸ்பரம் அன்பின் அடிப்படையிலான அந்த ஒப்பந்தத்திற்கு கணவன் மனைவி இருவரும் முழு முக்கியத்துவம் அளிக்க வேண்டும்.

பெருமானார் ஸல்) அவர்கள்  தனது மனைவி கதீஜா அம்மாவின் மீதான தூய அன்பிற்கு கொடுத்த முக்கியத்துவம் மற்ற மனைவியரை ரோஷமடையச் செய்யும் அளவு இருநதது.

فعن أنس بن مالك رضي الله عنه قال: كان النبي صلى الله عليه وسلم إذا أتي بالشيء يقول((اذهبوا به إلى فلانة؛ فإنها كانت صديقة خديجة، اذهبوا به إلى بيت فلانة؛ فإنها كانت تحب خديجة))

وعن عائشة رضي الله عنها قالت((ما غرت على أحد من أزواج النبي صلى الله عليه وسلم ما غرت على خديجة، وما بي أن أكون أدركتها؛ وما ذاك إلا لكثرة ذكر رسول الله صلى الله عليه وسلم، وإن كان ليذبح الشاة فيتتبع بها صدائق خديجة؛ فيهديها لهنَّ)


ஒப்பந்தங்கள் நல்லது. ஆனால் அது சரியாக பராமரிக்கப் படாவிட்டால், ஒப்பந்தங்கள் மிறப்படும் போது பெரும் ஆபத்துக்கள் நிகழும்

وقال صلى الله عليه وسلم: "ما نقض قوم العهد الا كان القتل بينهم" (رواه الحاكم وصححه على شرط مسلم

ஒப்பந்தங்களை மீறுவது மனித மரியாதைக்கும் மிகவும் இழிவை தரக்கூடியது எனவே பெருமானார் (ஸல்) அவர்கள் இத்தீய குணத்திலிருந்து அல்லாஹ்விடம் பாதுகாப்பு கேட்பவ்ராக இருந்தார்கள்.

وأعوذ بك من الخيانة فإنها بئست البطانة" (رواه ابو داود والنسائي

ஒப்பந்தங்களை மீறுவதை பெருமானார் (ஸல்) அவர்கள் கடுமையாக கண்டித்தார்கள்.

فقال النبي صلى الله عليه وسلم: "لكل غادر لواء يوم القيامة يعرف به" (متفق عليه).

தான் ஒப்பந்தங்களை மீறுவதில்லை என்பதை பகிரங்கப் படுத்தினார்கள்

فقال عليه الصلاة والسلام: "إني لا اخيس بالعهد" (رواه أحمد وأبو داود 

இந்த வார்த்தையை பெருமானார் (ஸல்) அவர்கள் எப்போது சொன்னார்கள் என்பது பற்றி வரலாறு இப்படி கூறுகிறது.

மக்கா காபிர்களின் தரப்பிலிருந்து அபூராபிஃ என்பவர் ஒரு முறை தூதராக வந்தார். வந்தவர் மதீனாவிலேயே தங்கிக் கொள்ள விரும்பினார். பெருமானாரிடம் அதற்கு அனுமதி கோரினார். அப்போது பெருமானார் (ஸல்) அவர்கள் நான் உடன்படிக்கைகளை மீறுவதில்லை என்றார்கள்.

இன்றைய நம்முடைய வாழ்வில் ஒப்பந்தங்கள் என்ன அந்தஸ்து வகிக்கின்றன.

இன்று நாம் பலருடன் பல விசயத்திற்காக உடன்படிக்கைகளில் கையெழுத்திடுகிறோம்.

அவை நமக்கு ஒரு பொருட்டாகவே தெரிவதில்லை.
அல்லாஹ் காப்பாற்றுவானாக!

குறிப்பாக கடன் வாங்குகிற போது திருப்பி தரும் ஒப்பந்தங்களை கண்டு கொள்ளாமல் இருப்பது சரியல்ல

வாகனங்களை / தொலைபேசியை/ அல்லது வீட்டு உபயோகப் பொருட்களை  கடனுக்கு வாங்கி விட்டு தவனை செலுத்தாமல் இருப்பது ஒப்பந்த மீறுதலே . அது  தனி நபரின் மரியாதையை மட்டுமல்ல. ஒட்ட மொத்த சமூகத்தையே பாதித்து விடுகிறது. ஒப்பந்த மீறுதல்கள் கொலை வரை கொண்டு சேர்த்து விடும் என்ற பெருமானாரின் வார்த்தைகளை நாம் கவனத்தில் கொள்ள வேண்டும்.
கடன் குறித்து பெருமானார் (ஸல்) அவர்கள் சொன்ன விசயங்களையும் கவனிக்க வேண்டும்.
نفس المؤمن معلقة بدينه حتى يقضى عنه

அதே போல குடும்ப விவகாரங்கள்/ தொழிலாளர்கள் / தொழில் தொடர்புகள். செய்யப்படுகிற 
சத்தியங்களும் வாக்குறுதிகளும் கூட உடன்படிக்கையின் அம்சங்கள் தான் ,
அவைகளையும் நிறைவேற்றுவதில் முழு கவனத்தை செலுத்த வேண்டும். அலட்சியமாக விடக் கூடாது.

இவற்றில் காட்டப்படும் எந்த அலட்சியமும். தனி மனித வாழ்விலும் சமூகத்திலும் பிரச்சனைகளை உருவாக்கும்.

முஃமின்ககள் எப்படி இருக்க வேண்டும் தெரியுமா ?

ஒப்பந்தங்களை சராசரியாக நிறைவேற்றுகிறவர்களாக அல்ல. ஒப்பந்தங்களை
பரிபூரணமாக நிறைவேற்றுகிறவர்களாக இருக்க வேண்டும்.

தனது ஓப்பந்தங்களை பரிபூரணமாக நிறைவேற்றுகிற இயல்பு பெருமானாரிடம் எந்தச் சந்தர்ப்பத்திலும் இருந்தது. சாக்குப் போக்குகள் சொல்லி ஒரு போதும் ஒப்பந்தங்களை நீர்த்துப் போகச் செய்யக் கூடியவராக பெருமானார் (ஸல்) அவர்கள் இருக்கவில்லை.

பெருமானார் (ஸல்) அவர்கள் ஹிஜ்ரத் செய்யும் வழியில் சுராக்கா அவரை பிந்தொடர்ந்தார். அவருடை ஒட்டகத்தின் கால்களை பூமி பிடித்திழுத்துக் கொண்டது. அப்போது பெருமானாரின் துஆவால் மீண்ட அவர் தனது பெருமானார் (ஸல் அவர்களின் ஒரு காலத்தில் பெருமானாரின் கை ஓங்கி நிற்கும் என்பதை அறிந்து கொண்டார். எனவே சந்தர்ப்பத்தை பயன் படுத்திக் கொள்ள நினைத்தார். தனக்கு ஒரு பாதுகாப்பு உறுதி மொழி எழுதித் தர வேண்டும் என்று கூறினார். அந்த நெருக்கடியான சந்தர்ப்பத்திலும் ஒரு தோல் துண்டில் பெருமானார் (ஸல்) அவர்கள அவருக்கு உறுதி மொழி எழுதிக் கொடுத்தார்கள் .

சுராக்காவே அந்த நிக்ழவை கூறுகிறார், புகாரியின் நீண்ட ஹதீஸின் ஒரு பகுதி

أتيت فرسي فركبتها فرفعتها تقرب بي حتى دنوت منهم فعثرت بي فرسي فخررت عنها، فقمت فأهويت يدي إلى كنانتي فاستخرجت منها الأزلام فاستقسمت بها، أضرهم أم لا، فخرج الذي أكره، فركبت فرسي، وعصيت الأزلام؛ تُقَرّب بي، حتى إذا سمعت قراءة رسول الله   وهو لا يلتفت، وأبو بكر يكثر الالتفات، ساخت يدا فرسي في الأرض، حتى بلغتا الركبتين، فخررت عنها، ثم زجرتها فنهضتْ فلم تكد تخرج يديها، فلما استوت قائمة إذا لأثر يديها عثان ساطع في السماء مثل الدخان، فاستقسمت بالأزلام فخرج الذي أكره، فناديتهم بالأمان فوقفوا فركبت فرسي حتى جئتهم ووقع في نفسي حين لقيت ما لقيت من الحبس عنهم، أن سيظهر أمر رسول الله  فقلت له: إن قومك قد جعلوا فيك الدية، وأخبرتهم أخبار ما يريد الناس بهم، وعرضت عليهم الزاد والمتاع فلم يرزآني. ولم يسألاني، إلا أن قال: أخف عنا، فسألته أن يكتب لي في كتاب آمن، فأمر عامر بن فهيرة فكتب في رقعة من أديم ثم مضى رسول الله .

சுராக்கா (ரலி) நீண்ட காலம் இஸ்லாமை தழுவ வில்லை. ஆனால் இஸ்லாத்திற்கோ முஸ்லிம்களுக்கோ அவர் தீங்கிழைக்கவும் இல்லை.

இஸ்லாம் பெரும் வெற்றி களை கண்ட பிறகு பெருமானார் (ஸல்) அவர்கள் மக்காவையும் ஹவாஸின்களையும் (ஹுனைன் யுத்தம் ) வெற்றி கொண்டு பெரும் செல்வந்தராக பேரரசாக உயர்ந்திருந்த நிலையில் பெருமானாரைத் தேடி வந்தார். அந்தக் கடிதத்தை நீட்டினார். பெருமானார் (ஸல்) அவருக்கு அபயம் கொடுத்தார்கள்

يقول سراقة عن إسلامه: حتى إِذا فتح اللّه على رسوله مكة، وفرغ من حنين والطائف، خرجت، ومعي الكتاب لأَلقاه، فلقيته بالجِعِرَّانة، فدخلت في كتيبة من خيل الأَنصار، فجعلوا يقرعونني بالرماح ويقولون: إِليك إِليك، ماذا تريد؟ حتى دَنَوتُ من رسول الله Mohamed peace be upon him.svg، وهو على ناقته، واللّه لكأَني أَنظر إِلى ساقه، في غَرْزِه كأَنه جُمَّارة، فرفعت يدي بالكتاب، ثم قلت: يا رسول الله Mohamed peace be upon him.svg، هذا كتابك لي، وأَنا سراقة بن مالك بن جُعْشم، فقال رسول الله Mohamed peace be upon him.svg:هَذَا يَوْمُ وَفَاءٍ وَبِرٍّ، أَدْنِهِ فدنوت منه، فأَسلمت.
 
அவர் பெருமானாரை துரத்திச் சென்ற சமயத்தில் வாய் வழி ஆறுதலாக ஒரு வாசகம் சொன்னார்கள். அதுவும் ஒரு ஒப்பந்தம் போலவே பிற்காலத்தில் நிறைவேறிய அதிசமய் நடந்தது.

قال النبي محمد صلى الله عليه وسلم لسراقة بن مالك حين لحق به في هجرة النبي من مكة إلى المدينة
كيف بك إِذا لبست سِوَارَيْ كسرى ومِنْطَقَتَه وتاجه
கிஸ்ராவின் மகுடத்தைய்ம் கை கடகங்களையும் நீ அணிந்தால் உனக்கு எப்படி இருக்கும். ?

அதுவும் நிறைவேறியது.

فلما فتح سعد بن أبي وقاص المدائن في زمن خلافة عمر بن الخطاب، أرسل سواري كسرى وتاجه ضمن الغنائم إلى الخليفة فتحقق لسراقة وعد النبي له حيث ألبسه عمر سواري كسرى.

இது வெறுமனே இரசிக்கத் தக்க வரலாறு மட்டுமல்ல. ஒப்பந்தங்களும் அதை நிறைவேற்றப் படுகிற அழகும். ஒரு தனி மனித வாழ்வை எவ்வளவு சிறப்படையச் செய்கின்றத், வெற்றியை தருகிறது என்பதை தாண்டி ஒப்பந்தங்களை நிறைவேற்றுகிற சிந்தனை நம்மிடம் இருக்குமானால் நமது வார்த்தைகளை வெற்றி பெற்ச் செய்ய அல்லாஹ்வின் உதவி எப்படி வந்து சேருகிறது என்பதற்கான மகத்தான அடையாளமாக இருக்கிறது.

2018 ம் ஆண்டின் தொடக்கத்தில் போக்குவரத்து தொழிலாளர் பிரச்சனையில் அரசு செய்து கொண்டுள்ள ஒப்பந்தம் ஒரு சிரமத்திற்கு தீர்வை தந்திருக்கிறது.

நாமும் ஒப்பந்தங்களின் படி வாழ்வோம் என ஒரு உறுதி மொழியை எடுத்துக் கொள்வோம் எனில்


நிச்சயமாக அல்லாஹ் நமக்கு துணை நிற்பான்.